د. فرسهت سۆفی، ئهندامی لیژنهی ئامادهكردنی پهیڕهوی ناوخۆی كوردستان له كۆنگرهیهكی رۆژنامهوانیدا رایگهیاند: "ئێمه ئهندامانی لیژنهی كاتی پهیڕهوی ناوخۆی پهرلهمانی كوردستان كه له 13 ئهندامی پهرلهمان له سهرجهم فراكسیۆنهكان پێكدێت و له 16ی حوزهیرانی ساڵی رابردوو پێكهێنرابوو كارهكانی خۆمان تهواوكرد و بهشێوهیهكی رهسمی پڕۆژهی پهیڕهوی ناوخۆمان رادهستی سهرۆكایهتی پهرلهمان كرد، پڕۆژهكه بهگشتی له 149 مادده و 12 بهش پێكدێت، هیوادارین له زووترین كاتتدا گفتوگۆی لهسهر بكرێت بۆ ئهوهی پهرلهمان ببێته خاوهنی پهیڕهوێكی ناوخۆی نوێ".
سۆفی وتیشی: "پڕۆژهكه بهدرێژایی ئهو ماوهیه كارمان لهسهر كردووه و ههموو ههفتهیهك بۆی كۆدهبووینهوه، توانراوه له كاری یاسادانان و چاودێری و لیژنه ههمیشهییهكان و رێكخستنی كۆبوونهوهكان و بهڕێوهچوونی كارهكانی پهرلهمان و دهسهڵاتهكانی سهرۆكایهتی و سیستهمی پهرلهمان كۆمهڵێك مادده و بڕگهی نوێ جێ بكهینهوه بهتایبهت له مهسهلهكانی پهیوهست به فراكسیۆن، بهدروستكردنی دهستهیهكی گشتی، به ئۆپۆزسیۆن و دیوانی پهرلهمان و كاری ناو پهرلهمان و نووسینگهكانی پهرلهمانیش، ئومێد دهكهین ئهندامانی پهرلهمان لهچوارچێوهی گفتوگۆكانی پهرلهماندا پهیڕهوهكه دهوڵهمهندتر بكهن".
فرسهت سۆفی، سوپاسی ئهندامانی لیژنهكه و راوێژكارانی پهرلهمان و ئهو كهسانهشی كرد كه پێشتر لهكاری پهرلهمانی ئهزموونییان ههبووه و بۆ ئامادهكردنی پهیڕهوی ناوخۆ یارمهتییان داون.
له درێژهی قسهكانیدا فرسهت سۆفی وتی: "بۆ ئامادهكردنی پهیڕهوی نوێی پهرلهمان سوودمان له پهیڕهوی ناوخۆی پهرلهمانی 20 وڵاتی جیهان وهرگرتووه و سهردانێكی چوار رۆژهیان بۆ سوید كردووه و به كردهیی ئهزموونیان له كاری پهرلهمانی ئهو وڵاته دهست خستووه".
روونیشیكردهوه: "ئێستا پڕۆژهی نوێی پهیڕهوی ناوخۆی پهرلهمان ئامادهیه بۆ تاووتوێكردن و پێمان وایه پهرلهمان تهكانێكی نوێ لهكارهكانی بهخۆیهوه دهبینێت پاش پهسهندكردنی، ههروهها سهرۆكایهتی پهرلهمانیش زۆر جیددین بۆ ئهوهی له ئایندهیهكی نزیك له چهند ههفتهی داهاتوو بخرێته بهرنامهوه بۆ گفتوگۆ لهسهركردنی".
ئاشكراشیكرد: نزیكهی ههشت مادده له كۆی ئهو 149 ماددهیهی پهیڕهوی ناوخۆی پهرلهماندا دوو بۆچوون ههبوون ههردوكیان داناون.
وتیشی: "له پهیڕهوهكه ئۆپۆزسیۆن پێناسه كراوه و چهند مافێكی پێدراوه، چونكه ئۆپۆزسیۆن بهشێكه له بونیادی دیموكراسی وڵات و ههوڵمان داوه مافی زیاتریان ههبێت، ههروهها سهرۆكایهتی چهند لیژنهیهكی ههستیاری وهك دارایی و نهزاههشیان پێدهدرێت".
سهچاوه: aa
هــ. ر